Түгээмэл асуулт

  • Хэрэв Гуанжү хотын аяллын үеэр гэнэт өвдвөл яах вэ?

    Яаралтай үед гадаад жуулчид 119 дугаар луу залгавал тухайн дуудлага орчуулгын үйлчилгээтэй холбогдож гуравласан хэлбэрээр үр дүнтэй дуудлага хийх боломжтой.
    Англи, Япон, Хятад хэлтэй орчуулагчид байх бөгөөд Сөүл хотоос бусад бүс нутагт амьдарч буй гадаад иргэд BBB(Үнэгүй орчуулгын үйлчилгээ)-тэй холбогдох болно.

  • Гоо сайхны мэс засал хийлгэсний дараа НӨАТ-ын буцаан олголтоо авалгүй нутаг буцсан, энэ тохиолдолд НӨАТ-ын буцаан олголтоо авах боломж байдаг уу?

    Нутаг буцсаны дараа НӨАТ-ын буцаан олголтын тухай Гадаад жуулчдын гоо сайхны мэс засал, эрүүл мэндийн үйлчилгээний НӨАТ-ын онцгой тохиолдлын тухай 5 дугаар заалтад заасан байдаг бөгөөд,
    Үүнтэй холбоотой гадаад жуулчид буцаан олголт олгох хэсэг нээгдээгүй боомтоор дамжин гарсан тохиолдолд 5 заалтын 1-ээр хэсэгт заасны дагуу хилээр гарах мэдээлэл өгөх зөвшөөрөх маягт болон эрүүл мэндийн үйлчилгээний баталгааны хуудас(Буцаан олголтын хуудас)-ыг ,,,, хайрцагт хийгээд нутаг буцвал дараа нь буцаан олголтоо авах боломжтой.
    НӨАТ-ын буцаан олголтыг авах тухай нэмэлт асуух зүйл болон илүү дэлгэрэнгүй мэдээллийг Medical Korea Support Center(1577-7129) дугаараас авахыг хүсье.

  • Гадаад өвчтөн хүлээн авах эрхтэй эмнэлэг юм. Өвчтөн маань урилга авах хүсэлт илгээсэн бөгөөд урилгын маягт тусдаа байдаг уу? Маягт байхгүй бол бид өөрсдөө бичиж болох эсэх мөн урилгад заавал оруулах ёстой мэдээлэл байгаа бол хэлж өгнө үү!

    Эрүүл мэндийн виз мэдүүлэхэд зайлшгүй бүрдүүлэх материалуудын нэг ‘Эрүүл мэндийн байгууллагаас ирүүлсэн эрүүл мэндийн зорилгыг баталсан баримт’ гэдэг нь
    •    Зөвхөн оношилгоо шинжилгээ хийлгэх зорилготой тохиолдолд : Тус эмнэлгийн захиалгын хуудас
    •    Эмчилгээний зорилготой тохиолдолд : БНСУ болон өөрийн улсын эмчийн дүгнэлт, үзлэгийн хуудас зэрэг БНСУ-ын эмнэлгийн захиалгын хуудсыг  хэлнэ

    •    Урилга нь хуулиар тогтоосон маягт биш тул урих гэж буй байгууллагын загвараар бичих боломжтой бөгөөд урилгад заавал орох агуулга нь урьж буй зорилго, шалтгаан, өвчний мэдээлэл, цагийн хуваарь, урьж буй байгууллагын  гэрчилгээ гэх мэт

    Бусад энгийн аяллын урилгатай адилхан байна.

  • Гадаад өвчтөн маань хөлний мэс засал хийлгээд өөрийн биеэр гадаад иргэн, харьяатын газар(Immigration)-т очих боломжгүй тул асран хамгаалагч нь төлөөлөн виз мэдүүлэх гэсэн юм. Төлөөлөгч нь виз мэдүүлэх тохиолдолд татгалзсан хариу авахгүйн тулд ямар зүйлсий

    ‘оршин суух хүсэлт мэдүүлэх болон итгэмжлэгдсэн  төлөөлөгчийн тухай журам’-д зааснаар гадаад өвчтөн зуучилсан байгууллага болон өвчтөнийг  эмчилж буй эмнэлэг, хил нэвтрэх хүсэлт авах байгууллага нь итгэмжлэл, иргэний үнэмлэх, ажлын газрын тодорхойлолт, үзлэгийн бичиг зэрэг
    Төлөөлж буйг баталсан материалуудыг хавсарган гадаад өвчтөнийг төлөөлөн виз сунгах хүсэлт гаргаж боломжтой.

  • Гадаад өвчтөн зуучлагч байгууллага байна. Гадаад өвчтөнийг төлөөлөн виз мэдүүлэх боломжтой эсэх талаар асуумаар байна.

    Ажлын газрын харьяа гадаад иргэн, харьяатын газарт бүртгэлтэй гадаад өвчтөн зуучлагч байгууллага нь БНСУ-ын визийн  портал сайт (www.visa.go.kr)-р дамжуулан гадаад өвчтөн болон гэр бүлийг урихын тулд виз олгох хүсэлт зэрэг материалуудыг харьяа улсын дипломат төлөөлөгчийн газарт виз мэдүүлэх боломжтой.
    Харин, эрүүл мэндийн аялал жуулчлалын шилдэг зуучлагч байгууллагаар шалгарсан байгууллага нь БСНУ-ын визийн  портал сайтаар дамжуулан урих хүсэлтэй байгаа гадаад өвчтөн ба гэр бүлийн визийн  хүсэлтийг мэдүүлэх боломжтой. Виз олгох зөвшөөрөл авсан тохиолдолд гадаад өвчтөн маань харьяа улсын дипломат төлөөлөгчийн газарт виз мэдүүлэх шаардлагагүй E-visa хуудас болон гадаад паспортын хамт хил нэвтрэхэд болно.

  • Гадаад өвчтөн зуучлах бүртгэлтэй эрүүл мэндийн байгууллага байна. Зуучлагч байгууллагаар дамжуулан гадаад өвчтөн авах тохиолдолд тохиромжит шимтгэлийн хувь хэд байдаг вэ?

    Гадаад өвчтөн зуучлахад олгох тохиромжит шимтгэлийн хувь нь
    ①.    3-р шатлалын нэгдсэн эмнэлэг 15%
    ②.    2-р шатлалын  нэгдсэн эмнэлэг 20%
    ③.    1-р шатлалын  эмнэлэг 30%
    Бүртгэлгүй зуучлагч байгууллагатай гэрээ байгуулан ажиллах тохиолдолд хууль бус бөгөөд тус байгууллага албан ёсны бүртгэлтэй эсэхийг шалгах хэрэгтэй. Бүртгэлтэй эсэхийг БНСУ-ын эрүүл мэндийн аж үйлдвэрийн хөгжлийн төвөөс лавлах боломжтой болно.

  • БНСУ-ын эрүүл мэнд, нийгмийн халамжийн яамнаас хэрэгжүүлдэг гадаад өвчтөн зуучлах эрх бүхий эрүүл мэндийн байгууллагын үнэлгээ-томилох тогтолцоо(KAHF)-ны стандарт нь юу вэ?

    Гадаад өвчтөн зуучлахаар бүртгүүлсэн эрүүл мэндийн байгууллага нь БНСУ-ын эрүүл мэнд, нийгмийн халамжийн яам болон  KAHF-ын гэрчилгээ авах шалгуурууд
    ①.    Гадаад өвчтөн зуучласан бодит амжилт
    ②.    Гадаад өвчтөн татахын тулд хийсэн сурталчилгаа, үйл ажиллагаа зэрэг ажлын тайлан
    ③.    Гадаад өвчтөн зуучлах мэргэшсэн боловсон хүчний түвшин
    ④.     Дотоодын эрүүл мэндийн үйлчилгээнд оруулсан хувь нэмэр
    ⑤.    Үүнээс гадна гадаад  өвчтөн зуучлах явц болон эмчилгээтэй холбоотой маргаан гарч байсан эсэх зэрэг нь үйл ажиллагааны үнэлгээнд зайлшгүй шаардлагатай хэмээн БНСУ-ын эрүүл мэнд, халамжийн яамны сайдын захирамжид заасан байна.
    Түүнчлэн, зуучлах эрх бүхий эрүүл мэндийн байгууллага нь ерөнхийлөгчийн захирамжаар тогтоосон болохыг илэрхийлэх тэмдэглэгээг ашиглах боломжтой юм.
    Төрийн болон орон нутгийн засаг захиргаанаас дэмжлэг авах заалтад
    ①.    Дотоод болон гадаадад сурталчлах
    ②.    Гадаад өвчтөн зуучлах мэргэжлийн боловсон хүчин ажиллуулах
    ③.    Ерөнхийлөгчийн захирамжаар гадаад өвчтөн зуучлахад шаардлагатай бусад заалт
    Дэлгэрэнгүй мэдээллийг БНСУ-ын Эрүүл мэндийн аж үйлдвэрийн хөгжлийн төв Гадаад өвчтөн зуучлах мэдээллийн систем(medicalkorea.khidi.or.kr)-ийн мэдээ мэдээллийн булангаас харах боломжтой.

  • БНСУ-ын Арьс судлалын эмнэлэгт Ботокс эмчилгээ хийлгээд гадагшаа явах гэж байгаа юм, НӨАТ-ын буцаан олголтыг хэрхэн яаж авах вэ?

    Юун түрүүнд мэс ажилбарын өмнө тус эмнэлгээсээ НӨАТ-ын буцаан олголт хийдэг эсэх талаар тодруулах хэрэгтэй.
    Дараа нь гадаад паспортаа авч очин эмчилгээний төлбөр төлөхдөө эрүүл мэндийн үйлчилгээ авсан тухай тодорхойлолтын бичгээ эмнэлгээсээ авах хэрэгтэй.
    НӨАТ-ын буцаан олголтын тухай илүү дэлгэрэнгүй мэдээллийг Medical Korea Support Center(1577-7129)-ээс лавлах

  • БНСУ-д гоо сайхны мэс засал хийлгэх хүсэлтэй байгаа юм. НӨАТ-ын буцаалт хийдэг үү?

    БНСУ-ын иргэд гоо сайхны мэс засал хийлгэхэд 10%-ийн НӨАТ боддог бол 2016 оны 4 сарын 1-ээс гадаад жуулчдад  10% НӨАТ-ыг буцаан олгох тогтолцоог хэрэгжүүлж байна.
    Үйлчилгээ авахын өмнө тус эмнэлэг буцаан олголт хийдэг эсэхийг шалгах хэрэгтэй бөгөөд Medical Korea homepage(http://visitmedicalkorea.com/) эсвэл
    Medical Korea Support Center(1577-7129) дугаараас лавлах боломжтой.

  • Эрүүл мэндийн аяллын виз мэдүүлээд татгалзсан хариу авсан тохиолдолд дахин хүсэлт мэдүүлэх боломжит хугацаа болон хэдэн удаа хүсэлт гаргах боломжтой эсэх талаар мэдээлэл өгнө үү?

    Цахим(Виз мэдүүлгийн зөвшөөрөл, цахим виз) хэлбэрээр хүсэлт мэдүүлэх тохиолдолд хугаацаа болон давтамжтай холбоотой хязгаарлалт байхгүй бол, Тус улсын харьяа элчин сайдын яаманд виз мэдүүлэх тохиолдолд элчин сайдын яам тус бүр дотоод журмаараа дамжуулан хязгаарлалт  тавьсан байх тохиолдлууд  байдаг.

  • Эрүүл мэндийн байгууллага нь гадаад өвчтөн татах эрх бүхий байгууллагаар бүртгүүлэхэд ямар даатгалд даатгуулсан байх хэрэгтэй вэ?

    Гадаад өвчтөн зуучлах хүсэлтэй байгаа эрүүл мэндийн байгууллага нь
    Эмнэлгийн ослын хариуцлагын даатгал, эмнэлгийн нөхөн төлбөр харилцан туслалцааны нийгэмлэгт бүртгүүлэх хэрэгтэй.
    Жилийн нөхөн олговрын  хэмжээ 1-р шатлалын эмнэлэг 100 сая вон, 2-р шатлалын нэгдсэн эмнэлэг нь 200 сая вон байдаг.
    Түүнчлэн, Гадаад өвчтөн татах хүчинтэй хугацааны турш үргэлжлүүлэн хадгалах хэрэгтэй.

  • Гадаад өвчтөний цар хүрээний тодорхойлолт нь юу вэ?

    Ер нь хүлээн зөвшөөрөгддөг гадаад өвчтөний хүрээ
    ①.    БНСУ-ын харьяалалгүй хүн
    ②.    Эрүүл мэндийн виз(Medical visa)-тэй хүн(Гадаад иргэний бүртгэлд бүртгэлтэй болон эрүүл мэндийн даатгалд хамрагдсан  хүн орохгүй)
    ③.    Иргэдийн эрүүл мэндийн даатгалын тухай хуулийн 93 заалтын дагуу даатгуулагч эсвэл даатгуулагчдын  гэр бүлийн харилцаагүй гадаад иргэн
    ④.    Түр оршин суух хүсэлт мэдүүлээгүй болон гадаад иргэний бүртгэлд бүртгүүлээгүй иргэд
    ⑤.    БНСУ дахь АНУ-ын зэвсэгт хүчний ажилтан болон тэдний гэр бүл, олон улсын байгууллага болон дипломат төлөөлөгчийн байгууллагын ажилтан
    ⑥.    Гадаадын иргэншилтэй Солонгос гаралтай иргэд(Гадаад иргэний бүртгэлд бүртгүүлсэн бол орохгүй) болно.

  • Эрүүл мэндийн аялал жуулчлалын тодорхойлолт

    Эрүүл мэндийн аялал гэдэг нь хувь хүн өөрийнхөө амьдарч буй хотоос гарч хөдөө орон нутаг эсвэл гадаад улсын эрүүл мэндийн байгууллага болон алжаал тайлах амралтын газарт өвчин эмгэгээ эмчлүүлэх, нөхөн сэргээх үйлчилгээ авах, алжаал тайлж амрах үйл явцыг хэлнэ.
    Өөрийн эрүүл мэндийн нөхцөл байдлаас хамааран амрах, аялах, дэлгүүр хэсэх, соёл урлагтай танилцах боломжтой.
    БНСУ-ын шинэ үеийн хөгжлийн хөдөлгүүр аж үйлдвэрийн нэг болох Эрүүл мэндийн аялал жуулчлалын аж үйлдвэр нь 2009 онд шинэчилсэн  эрүүл мэндийн хууль хэрэгжиж эхэлснээс хойш эрчимтэй хөгжиж буй салбар.

  • Гадаад өвчтөнд зориулсан эмчилгээний тусгай маягт байдаг уу?

    БНСУ-ын Эрүүл мэндийн аж үйлдвэрийн хөгжлийн төвөөс эрүүл мэндийн байгууллагууд гадаад өвчтөн эмчлэхэд  тав тухтай байлгах үүднээс гадаад өвчтөний хамгийн их үйлчлүүлдэг эмчилгээний тасаг болон мэс ажилбартай холбоотой тайлбар зөвшөөрлийн хуудас зэргийг олон улсын хэл дээр боловсруулсан “Гадаад өвчтөнд зориулсан олон орны хэл дээрх гарын авлага”-ыг хэвлэж цахим хуудсанд нийтэлсэн  байдаг.
    *БНСУ-ын эрүүл мэндийн аж үйлдвэрийн хөгжлийн төв (www.khidi.or.kr) – Чиг хандлага болон мэдээлэл - Тайлан

  • Гадаад өвчтөнд урилга олгох тухай асуулт, Урилгын маягт байдаг уу?

    Гадаад өвчтөн урих урилга нь хуулиар тогтоосон зүйл байхгүй тул урих гэж буй байгууллага өөрийн загвараар үйлдэж болно.
    Урилгад зайлшгүй тусгах агуулга нь урилгын зорилго, шалтгаан, өвчний тухай мэдээлэл, эмчилгээний хуваарь, урилга өгч буй байгууллагын гэрчилгээ зэрэг энгийн визийн  урилгатай адилхан байна.
    Эх сурвалж : Хууль зүйн яам Гадаад иргэдийн бодлого хариуцсан хэлтэс

  • Гадаад өвчтөн зуучлагч байгууллага байна. Гадаад өвчтөнийг төлөөлөн виз мэдүүлэх боломжтой юу?

    Гадаад иргэн харьяатын газарт бүртгэлтэй гадаад өвчтөн зуучлах эрх бүхий байгууллага нь БНСУ-ын виз мэдүүлгийн портал сайт (www.visa.go.kr)-р дамжуулан гадаад өвчтөн болон тэдний гэр бүлийг урих виз олгох зөвшөөрлийн хүсэлтийг харьяа дипломат төлөөлөгчийн газарт илгээж виз мэдүүлэхэд болно.
    Виз гарсан тохиолдолд гадаад өвчтөн нь  дипломат төлөөлөгчийн газарт дахин виз мэдүүлэх шаардлагагүй и-виз болон гадаад паспорт нь байвал хил нэвтрэх боломжтой.
    Эх сурвалж : Хууль зүйн яам Гадаад иргэн харьяатын бодлогын газар оршин суух хяналтын хэлтэс

  • Гуанжү хотын эрүүл мэндийн аялал жуулчлалын орчуулгын үйлчилгээний талаар мэдээлэл авах хүсэлтэй байна.

    Гуанжү хотын эрүүл мэндийн аялал жуулчлалыг дэмжих төвөөс эмнэлгийн үйлчилгээ авах хүсэлтэй гадаад жуулчдын тав тухтай байдлыг хангах үүднээс аман болон бичгийн орчуулгын үйлчилгээний  дэмжлэг үзүүлж байна.
    Дэмжлэгийг [эмнэлгийн үйл ажиллагааг гадаад зах зээл рүү өргөжүүлэх, Гадаад өвчтөн зуучлалын дэмжлэгийн тухай хуулийн] 6-р зүйлд заасны дагуу Гадаад өвчтөн татах эрх бүхий эрүүл мэндийн байгууллага болон зуучлагч байгууллагуудад үзүүлнэ.
    Орчуулгын дэмжлэг үзүүлэх боломжтой нийт 7 хэл : Англи, Хятад, Орос, Монгол, Вьетнам, Япон, Камбож
    Эрүүл мэндийн аяллын жуулчдыг угтах болон эмчилгээ оношилгоонд зориулсан аман орчуулга, эмчилгээ болон байгууллагын тухай танилцуулгын  орчуулгын үйлчилгээ үзүүлэх боломжтой.
    Дэлгэрэнгүй мэдээллийг Гуанжү хотын эрүүл мэндийн аялал жуулчлалыг дэмжих төв(☏ 062-714-3431)-өөс лавлана уу.

  • Гадаад өвчтөн татах үйл ажиллагааны бүртгэлийн тогтолцоо бий болсон шалтгааныг сонирхож байна.

    Гадаад өвчтөн татах гэж буй эрүүл мэндийн байгууллага болон зуучлагч байгууллагуудад адилхан шаардлага тавьснаар гадаад өвчтөн зуучлах үйл ажиллагааны явцад болчимгүй үйлдлээс үүдэн БНСУ-ын эрүүл мэндийн зах зээлд төөрөгдөл үүсэхээс сэргийлэх зорилготой.
    Мөн гадаад өвчтөн татах зуучлалын хүрээнд хэт их өрсөлдөөн үүсэж нийгмийн эрүүл мэндийн үйлчилгээний чанар муудахаас сэргийлэх, шаардлага хангахгүй эрүүл мэндийн байгууллага болон зуучлагч байгууллагуудын    эмх замбараагүй байдлаас үүсэх БНСУ-ын эрүүл мэндийн үйлчилгээний нэр хүндийг гэмтээхгүйн тулд хэрэгжүүлж буй тогтолцоо юм.

  • Гадаад өвчтөн татах зуучлах үйл ажиллагааны бүртгэлтэй холбоотой хаанаас мэдээлэл авах вэ?

    БНСУ-ын эрүүл мэндийн аж үйлдвэрийн хөгжлийн төв Гадаад өвчтөн татах зуучлах үйл ажиллагааны бүртгэлийн хэлтэс рүү холбогдоно уу.
    ☏ 1600-6767(дотоод дугаар 1), мөн medicalkorea@khidi.or.kr

  • Гадаад өвчтөн татах зуучлах үйл ажиллагааны гэрчилгээг дахин авах боломжтой юу?

    Гэрчилгээгээ аваад хаяж гээгдүүлээд дахин авах гэж байгаа бол гэрчилгээ авах хүсэлтээ  БНСУ-ын эрүүл мэндийн аж үйлдвэрийн хөгжлийн төвд илгээхэд болно.
    Дахин авсан гэрчилгээг гэрчилгээний эх хувийг гээсэн тухай мэдээлэлтэй хамт буцааж өгөх ёстой болно.